Бидний тааж мэдэмгүй олон учир шалтгааны улмаас байгаль эх өнцөгтэй дөрвөлжин зүйл хийдэггүй ажээ. Өндөгнөөс авахуулаад шувуу, амьтны үүр, эхийн хэвлий хүртэл бөмбөгөр бөмбөлөг хэлбэртэй байгаа нь нэгэн чухал санааг агуулах мэт. Үүнийг ажиглаж мэдсэн бидний өвөг дээдэс амьдрах сууцаа мөн л бөмбөлөг хэлбэрт ойртуулсан болов уу гэж бодогдоно. Бөмбөгөр хэлбэр дэх энергийн хуваарилалт, агаар сэлгэлт, гэрэлтүүлгийн жигд байдал зэрэг нь хүний биед эерэг нөлөөтэй нь батлагдаж, дэлхийд олон улсад нарийн судлагдан технологи нь улам боловсронгуй болж хөгжсөөр байна. 

Тиймээс энэ удаагийн “Дэвшилтэт технологи” булангаараа  хамгийн эко, эрчим хүчний хэмнэлттэй, урт насжилттай хэмээн үнэлэгдээд байгаа Япон технологи бүхий “Sку” бөмбөгөр байшинг таницуулж байна. Уг байшин нь харагдах хэлбэрээс гадна нүүж болдог гэдгээрээ Монгол гэртэй төстэй бөгөөд орчин цагийн дэвшилтэт хувилбар гэж хэлж болох юм. 

Бөмбөгөр хэлбэр нь ер бусын архитектур, өвөрмөц интерьер, ямар ч баганагүй том орон зайг бий болгохоос гадна байшингийн бүх хэсэгт агаарыг эрчимтэй эргэлдүүлдэг.  Энэ нь дулаан агаарыг ч жигд тараах бөгөөд дулаан хадгалалтад ч чухал нөлөөтэй байдаг байна. 

Уг угсармал байшины хана, дээвэр нь цэцгийн дэлбээ шиг 12 модул бүхий сансрын нийлмэл шилэн утасны нэгдлүүдээс бүрдсэн FRP +PU дулаан  тусгаарлагч материалаас бүрдэх бөгөөд ховилуудыг холбох зарчмаар барьдаг. Цаг уурын эрс тэс уур амьсгалтай газар барихад тохиромжтой. -50 градусаас +50 градуст тэсвэртэй, дулаан хадгалалт сайтай гэдгийг туршилтаар баталсан байна. Тодруулбал, гадна -39 градус байхад дотор температур +20 градуст байсан юм. Энэ нь зундаа сэрүүхэн, өвөлдөө дулаахан байх нөхцөлийг бүрдүүлдэг. 

Мөн дуу чимээний  өндөр тусгаарлалттай бөгөөд гаднах дуу чимээ сонсогдохгүй, акустик орчныг бий болгосон гэдгээрээ олон хүний гайхашралыг төрүүлдэг. Үүний гол нууц нь хананы муруй хэсэгт бий хэмээн тайлбарлажээ. Түүнчлэн бороо цасанд норж чийгтэхгүй, зэвэрдэггүй, галд шатдаггүй гэх мэт олон талын онцлогтой. 

Түүнчлэн давхар хэт ягаан туяа, чийг, температурын нөлөөллөөс хамгаалсан  бүрхүүлтэй.  Байшингийн хананы бат бэх чанар нь 80 жил, ашиглалтын хугацаа нь хамгийн багадаа 50 жил юм. 

“Sку” бөмбөгөр байшин давуу тал 

1.    Ханын давхарга, материал 

Sку дугуй байшинг сансрын нийлмэл шилэн утасны нэгдлүүдээс бүрдсэн үндсэн материал FRP +PU дулаан тусгаарлагч материалтай хослуулан хийсэн бөгөөд 21- р зууны хамгийн шилдэг технологи хэмээн нэрлэгдээд байгаа юм.

FRP материалыг шилэн хөөс, шилэн арматураар бэхжүүлсэн шилэн утаснуудын хослол  мөн термостетин ба давирхай нэгдлээс бүрдсэн FRР материалын бүрэлдэхүүн хэсгийн нэгдэл гэж ойлгож болно.

PRP материал нь дулаан алдагдалт байхгүй темпуртын эсэргүүцэл маш сайн хамгаалж дулаан хадгалтыг дээд зэргээр  хадгалдаг бөгөөд зэвэрдэггүй, цаг уурын өөрчлөлтөд нөлөөгүй юм.  PRP материалыг +РU тусгаарлагчийг хамтад нь хийснээр хүний амьдрах орчинг илүү тав тухтай  болгож эдийн засгийн хэмнэлттэй засварлах шардлагагүй болгож өгсөн байна. Өөрөөр хэлбэл энгийн байшинг 3-5 жилийн дотор дахин засах шаардлагатай болдог бол энэхүү технологи нь урт хугацаанд чанараа хадгалж чаддаг аж. 

-    Less surface - Дөрвөлжин байшинг бодвол бага гадаргуутай 

-    Өндөр дулаан тусгаарлагчтай

-    Дөрвөлжин байшинг бодвол дуу чимээ бага 

-    Дотор агаарын эргэлт сайн 

2.    Эрчим хүчний хэмнэлттэй барилга 

Дуу, дулаан тусгаарлах өндөр шинж чанар нь гадны температурын нөлөөллөөс хамгаалдаг тул өрөөний температурыг бага эрчим хүчээр хангах боломжтой. Бөмбөгөр хэлбэр нь дулааны алдагдлыг маш бага болгодог тул эрчим хүчний хэмнэлтийн үр нөлөөг нэмэгдүүлдэг. Өөрөөр хэлбэл та гал түлэхгүйгээр, ямар нэгэн халаалт хэрэглэхгүй дулаахан байх боломжтой гэсэн үг юм. 

-    A certain - Тодорхой хэмжээний цас аяндаа унана

-    Унасан цасны ачаалал нь мембранаар  суурь руу дамждаг

3.    Цас хуримтлагддаггүй

Бөмбөгөр гадаргуу, дугуй хэлбэр нь дээвэр дээр цас хуримтлагдахгүй байх нөхцөлийг бүрдүүлдэг бөгөөд энэ нь дотогш нэвтрэх, чийг үүсэхгүй байх нөхцөл бүрдүүлдэг. 

-    Хөнгөн дээвэр нь газар хөдлөлтөд тэсвэртэй байхад нөлөөлдөг

-    Хөнгөн дээвэр

-    Хөнгөн барилга 

-    Нуралтыг эсэргүүцэх

-    Хүндийн төв бага 

4.    Газар хөдлөлтөд тэсвэртэй 

Маш хөнгөн, хүндийн төв багатай тул ердийн барилгуудыг бодвол нурах магадлал бага байдаг. Ямар ч баганагүй учраас дээвэр дотогш нурахгүй, хүчтэй чичиргээнд аюулгүй байдлыг хангадаг байна. 

5.    Богино хугацаанд барих, нүүлгэх боломжтой

Уг байшинг 3-4 хүний хүчээр, хүнд машин механизм ашиглахгүйгээр босгох боломжтой. Энэ нь хөдөлмөрийн хөлс, тээврийн зардал, материалыг ихээр хэмнэдэг. Нүүгээд дахин барьдаг төдийгүй уул, хөдөө хээр газарт ч хурдан барих боломжтой.

6. Хүчтэй салхины  эсэргүүцэл

Бөмбөгөр хэлбэр нь хүчтэй салхинд тогтвортой байх нэг үзүүлэлт болдог. Мөн хэсэг бүрийг суурьтай маш сайн бэхэлж өгсөн учраас хүчтэй салхийг эсэргүүцэх өндөр чадвартай байдаг. 

Интерьерийн шийдэл 

Бөмбөгөр байшин нь гаднаасаа харагдаж байгаагаасаа илүү дотроо том орон зайтай. Баганагүй учраас хүссэн хуваалтаа хийж, өрөөний зохион байгуулалтыг хийж болдог. Мөн хоёр давхар буюу мансардтай байдлаар шийдэж болох юм. Бөөрөнхий, дөрвөлжин гэх мэт цонхны хэлбэрийг хүссэнээрээ сонгож хийлгэх боломжийг ч уг технологи олгоод байгаа юм. Мөн жижиг, том янз бүрээр хийх бөгөөд шалнаасаа дээвэр хүртэл шилэн байх боломжтой аж. 

Эх сурвалж: www.barilga.mn